O pasado luns 11 de novembro asistiu ao centro Fernán López,un guía moi bo que nos ensinou como se pode destacar no seu traballo e deunos recursos para iso.
Pola mañá estivemos na aula e ademais de presentarse indicounos como era o seu traballo e a súa empresa,Rutas Vivas.Falou de recursos para ser un bo guía como a puntualidade e o gran papel do tempo,o saber dirixirse ao público ou o número de paradas que está acostumado a facer,entre outros.

Xa pola tarde levounos a facer unha ruta por Arzúa,na que fixemos varias paradas programadas nas que demostraba o que falaba da puntualidade xa que chegou antes de tempo a todas,e descubriunos cousas como a colección de bruxas de Arzúa das que non oíra falar nunca.En cada parada sacamos unha foto coa persoa dese lugar,ata que xa de noite nos despedimos despois dunha entretida ruta.