O pasado 22 de novembro realizamos
unha visita a dous lugares que sen dúbida non decepcionaron a ninguén ou polo
menos a min.
A primeira visita foi o Enredo do Abelleiro
(museo vivente do mel) onde nos recibiu Marta, unha agradable persoa a cal se
esforzou o máximo para que puxeramos en práctica todos os coñecementos teóricos
que xa posuíamos.
A posta en escena de Marta foi moi
boa sabía claramente do que falaba posto que é unha das traballadoras do museo. Dende o meu
punto de vista a súa explicación foi axeitada, soubo reaccionar fronte as dúbidas
que surxiron con unhas respostas directas sen usar termos científicos os cales poderían
ocasionar máis dubidas. Sen embargo cabe destacar como punto negativo desta
visita que o local non se adapta a grupos de xente moi numerosos, xa que as
persoas que se quedan na parte traseira do grupo non podía seguir nin escoitar
o fío das explicacións. Por outra parte tamén hai que destacar que Marta non se
preocupaba por todo o grupo e debería facer algo por evitar esta situación ao
ser un lugar moi visitado e porque un guía debe saber achegar unha solución.
Unha vez finalizada a visita
puidemos catar os distintos tipos de mel e marchar cun agradable sabor doce no
padal, tamén aproveitamos o momento para deixar a nosa pegada persoal
asinándolle o libro de visitas.
Xa por último fomos visitar a
preciosa fervenza das Hortas situada na parroquia de Dombodán, un lugar que non deixa diferente a ninguén. Dita
fervenza consiste nun salto de auga duns 30 metros entre prados e montes, o
acceso foi reformado polo concello aínda que se atopa nun estado bastante
deteriorado polas condicións meteorolóxicas e pola multitude de xente que a vai
visitar.
No hay comentarios:
Publicar un comentario