O
mel e as abellas son tan extraordinarios que ben merecen un museo.
O
pasado 22 de novembro fixemos unha visita ao Enredo do Abelleiro.
Museo vivinte do mel, situado
moi preto do encoro de Portodemouros, a uns 10 km da vila de
Arzúa.
Fumos
guiados por Marta, unha das traballadoras do museo que nos ofreceu
unha visita didáctica onde fixemos prácticos moitos dos nosos
coñecementos teóricos. Dun xeito claro, preciso e concreto falounos
da historia, dos útiles de traballo, das abellas, dos procesos de
elaboración dos produtos da colmea, de curiosidades do mundo
apícola, etc. Marta ensinounos con moito entusiasmo o museo. Estivo
moi pendente do grupo, soubo captar a nosa atención, e tamén tomaba
molestias para saber se o grupo comprendía as súas explicacións.
Pero, sen dúbida, o que máis resalto da explicación de Marta foi
que soubo adaptarse ao nivel do grupo e non fixo un uso excesivo de
tecnicismos. Cousa que eu particularmente agradezo moito xa que a
miúdo, a diario, vexo que un número importante de persoas fan un
uso excesivo deles, cando nunha gran parte das veces é completamente
innecesario e o único que fan é convertir as explicacións en
díficiles, pesadas e oscuras.
En
xeral, a explicación de Marta gustoume moito, pareceume unha charla
amena, clara e funcional xa que acadou o seu obxectivo: darnos unha
visión completa do mundo apícola.
E
despois de catar o mel, achegámonos á Fervenza das Hortas, un dos
meus lugares favoritos do concello de Arzúa. Entre prados e pistas
da parroquia de Dombodán parece agocharse un salto de auga cun
contorno natural fascinante. Auga, aire, vexetación e muíño. Un
entorno moi agradable que o Concello completou cunha pasarela de
madeira para facilitar o descenso.
No hay comentarios:
Publicar un comentario