O pasado
20 de novembro realizamos unha visita ao parque eólico de Sotavento,
en Xermade.
Da man
de dous guías coñecimos unha vivenda baseada na bioconstrución e
nos sistemas de enerxía renovables. Foi moi interesante ver e saber
como podemos empregar tanto a enerxía que nos proporciona a auga
como o sol.Tamén nos informaron de como podemos ser máis ecolóxicos
dentro das nosas vivendas. E co simple feito de adoptar unhas
sinxelas prácticas e coa adquisición duns sinxelos mecanismos
podemos aforrar moito diñeiro e contribuír a un mundo moito máis
sostible.
Máis
tarde, vimos unhas maquetas que representaban varios tipos de
enerxías renovables: maremotriz, eólica, solar... e a través delas
coñecimos as vantaxes e o funcionamento deste tipo de enerxías.
Por
último, recibimos unha charla sobre vehículos eléctricos. Foi
bastante curioso saber que hai unhas décadas a totalidade dos
vehículos eran eléctricos. Tamén se nos deixou claro que a pesar
de que son o futuro, as patentes da construción destes vehículos
atópanse nas mans de grandes petroleiras. Debido a que o negocio
destas é a venta de petróleo non lles interesa que estes tipos de
vehículos saian ao mercado e sexan adquiridos polos cidadáns. Entón
o que fan as multinacionais do petróleo é comprar as patentes para
así frear a venta dos coches eléctricos.
O parque
de Sotavento consta dun coche deste tipo. Mágoa que estivese sen
carga e non o poder probar!
Unha moi
interesante visita.
No hay comentarios:
Publicar un comentario